598
Bunita iniciativa di e tres paisnan Aruba, Corsow y Boneiro pa bini bek cu e Weganan Escolar Interinsular entre e trese islanan. Ya for di anja pasa e mandatarionan di e paisnan menciona a cuminsa traha pa loke a bira e regreso di e weganan escolar interinsular. E prome tabata algun luna atras na Boneiro, sigui pa Corsow y e weekend aki na Aruba. IBiSA Aruba cu ta esnan encarga cu e organisacion ta masha contento y orguyoso di forma parti di un actividad asina grandi y mahestuoso manera e Weganan Escolar Interinsular. Es mas cu e Weganan Escolar den porta ta mustra cu e deporte escolar entre nos scolnan na Aruba ta den pleno forma bek manera antes.
Cada mandatario cu e hiba palabra a pione e enfasis di e union y hermandad cu semper mester keda existi entre e paisnan di Reino Hulandes. Majan diasabra henter dia lo tin wega di futbol y volleyball riba respectivo Cruyff Court na Jaburibari y e sala di recreo na Centro Deportivo Frans Figaroa na Noord. Tur hende ta invita pa bin apoya nos muchanan y alabes contribui na un actividad sano pa nos pais.
