Weekend tras di lomba, E muchanan di Roughriders Aruba a sobresali un biaha mas na Derby City Bmx, Louisville Kentucky. Entre e 3 coredor nan aki, esta Kailen Wouters, Asher Geerman y Dex van der Steen. A logra suma un totaal di 18 trofeo entre e 3 dianan di careda. Tur 3 atleta a core Open Class y nan Age Class, dominando esakinan duro.
Dex van der Steen ta bay 6 final en totaal y ta logra un Clean Sweep, unda cu tur 3 dia a logra 1st place den su categoria di 11 intermediate.
Asher Geerman, cu ta domina den 8 expert y ta logra den su 6 final nan un mihor di 3 luga den Expert class unda cu ela bataya cu number 5 di mundo.
Kailen Wouters tambe cu un weekend sublime, unda cu ela logra 6 final, y a subi podium tur 3 dia y cu un 2nd place den Expert class como su mihor resultado.
Overall un weekend tremendo pa nos 3 atleta nan di Roughriders Aruba bou guia di nan coach Gregory Wouters unda cu un biaha mas ta demostra nivel na Merca na un careda grandi di alto calibre.
Nos ta manda un palabra di pabien na e 3 atleta nan y nan team, cu lo sigi biaha den luna nan venidero pa merca y pa asina caba e anja cu bon resultado. Pabien!
