Weekend cu a pasa den tabata tin e inicio di e interliga di Little League di e categoria mas popular internationalmente, esta e categoria Major.
Diabierna anochi e ekipo di North a topa South caminda e pitcher di North Rowdy Croes ta domina 5 inning permitiendo solamente 1 hit. North ta gana nan prome partido cu score di 4-2.
Winning pitcher: Rowdy Croes. Rowdy a wordo releva dor di Kevin Erasmus.
Mihor Bateador South: Amare Hallman 2-1.
Mihor Bateador North: Dylan Croes 2-2
Diasabra mainta tabata tin e wega di South contra Center caminda e publico por a presencia un total combina di 23 hit. Den e hitnan aki tin dos bataso grandi di homerun di Naivmar Angela y Arthur Willems di e ekipo di South. Pero e Victoria final ta bay pa Center cu ta gana e partido 17-10.
Winning ganador: Nishant Toledo. Nishant a haya relevo di Jayquon Bell, Brandon de Leça, Jaden Flanegin y Santiago Rodrigues
Mihor Bateadornan Center:
Sean Croes 3-3, a anota 3 careda, empuha 2 careda y a conecta 1 doblete
Jaden Flanegin 2-2, a anota 2 careda, incluyendo un toque
Nishant Toledo 3-2, a remolca 4 careda y a conecta 1 doblete
Brandon de Leça 3-2, a remolca 2 anota 2 careda y conecta 1 doblete
Aydan Rodrigues 2-2.
Mihor Bateado South
Josiah Reed 2-1, a anota 1 careda y a empuha 2 careda
Jeayrick Quandt 2-1, a anota 2 careda, empuha 2 careda y a conecta 1 triple
Naivmar Angela 2-1, a anota 2 careda, empuha 3 careda y conecta un tremendo HR den
centerfield
Arthur Willems 3-1, a conecta 1 HR den rightfield
Diamingo North a topa e ekipo di Center caminda e duo di Center Nick Kock y Norberto Maduro ta tira un total di 8 ponche permitiendo solamente 2 hit. Mientras e batnan di Center ta cayente, esun di Nishant Toledo ta dal un grandslam y asina ta yuda su team bay cu e Victoria cu e score di 12-2.
Winning pitcher: Nick Kock. Nick a haya relevo di Norberto Maduro.
Mihor bateadornan Center:
Sean Croes 2-1, a anota 1 careda y a empuha 1 careda.
Nishant Toledo 1-1, a anota 2 careda, remolca 4 careda incluyendo un grandslam den rightfield.
Jayquon Bell 2-1, a anota 2 careda.
Santiago Rodrigues 1-1, 1 anota y 1 careda empuha.
Quin Jansen 1-1, 1 careda anota.
Aydan Rodrigues 1-1, 1 careda anota y 2 empuha.
Mihor bateadornan North:
Xaven M 2-1,
Dylan C 2-1, incluyendo 1 base por bola.
Despues di e prome tanda completo, e seleccion di liga Central tin 2 gana 0 perdi, North League tin 1 gana y 0 perdi y South League tin 0 gana y 2 perdi. E siguiente tanda lo tuma luga 5pm na Pos Chikito Ballpark:
29 mei 2023: South vs North
30 mei 2023: South vs Center
31 mei 2023: Center vs North
Bin presencia bunita baseball y alabes apoya nos pelotero hobennan den un dushi ambiente!
