180
E aña 2024 tabata uno super bon pa e baseball Little League. Cu dos titulo maximo den Caribe, Aruba ta logra hunga dos World Series di Little y Senior League Division na Merca esakinan ta Williamsport, Pennsylvania y Easely, South Carolina. Mas cu claro, Aruba completo a biba cu e momentonan aki paso despues di hopi aña nos a regresa atrobe hungando den e World Series.
Aruba ta bira CAMPEON den Senior League Baseball na Puerto Rico
E baseball Senior league di Aruba a haci un tremendo papel na Puerto Rico den e Caribbean Senior Series. Aruba ta sali gana Mayaguez den nan prome wega cu e score di 4 – 0. Den e di dos wega nos muchanan ta cay venci 9 – 8 contra di Corsow. Den wega number 3 y 4, Aruba Senior ta bons bek y ta gana Republica Dominicana 12 – 2 y Puerto Rico 5 – 2. Den e wega semi final Aruba ta gana Puerto Rico 4 – 0 mientras den e gran final nos muchanan di Senior League ta gana 8 – 2 di Republica Dominicana pa asina titula campeon. Aki e hoben Xylon Starke ta tira monster di wega.
Na e Senior World Series na Easely, South Carolina, Merca nos seleccion di Senior League ta hunga dos wega unda den ambos nan ta cay venci.
Aruba ta perde 3 – 0 contra di Canada
Aruba ta perde 5 – 3 contra di Australia
All by all un tremendo experiencia pa nos seleccion.
Aruba Little League victorioso na den e Caribbean Series na Corsow.
Aruba ta gana Republica Dominicana 2 – 0 den final pa asina bay cu e titulo.
Aruba Little League ta start keto na Corsow unda den e prome wega nos muchanan ta cay venci 3 – 1 contra Corsow Pabou Pero Aruba ta remata contra di St Maarten den dos wega y ta gana ambos cu e score di 12 – 2 y 10 – 0. Den e di tres wega nos muchanan ta perde un bes mas di Corsow Pabou 4 – 3. Den e semi final, Aruba ta gana Corsow Pariba den un tremendo wega unda nos muchanan tabata perdi pero ta bons bek y bin gana e wega 12 – 8. Den e gran final Aruba Little League ta gana Republica Dominicana 2 – 0 y bay cu e titulo di campeon Caribbean Series 2024. Asina nos ta logra clasifica pa Little League World Series na Williamsport despues di 13 aña di ausencia.
World Series
Na Williamsport, Pennsylvania, nos muchanan tabata manera un estreya. Aruba a hunga super bon baseball y tabata hopi serca mes pa por a percura pa un sorpresa grandi den e World Series aki.
Aruba ta sali perde 2 – 0 contra di Mexico despues di un pitcheo formidabel di Mexico y Aruba. Den e siguiente dos weganan Aruba ta bons bek.y demostra bon baseball y asina nos muchanan ta gana Republica Checo 8 – 3 y Australia cu e score di 11 – 0. Den un wega crucial y dramatico Aruba ta perde 2 – 1 contra di Venezuela y keda elimina.
Ta bon pa menciona aserca cu e seleccion aki tabata henter e comunidad den su gara. E canal mundia deportivo ESPN a cubri e weganan y aki tur hende na Aruba a sigui e cobertura riba nos muchanan. Sin duda e tabata un momento cu hamas e delegacion di Aruba aya na Williamsport lo lubida.
