466
E organiosadornan di e 12 ora di careda di mountain bike sin duda por ta sumamente contento cu e magno evento diadomingo pa dialuna na Sero Cristal. E ambiente tabata uno fenomenal caminda e publico y sigur tambe e participantenan a keda contento cu e outcome aki. Mas cu claro tur hende tabata ancioso pa mira ta cua ekipo lo tabata tin e rosea mas largo durante e recorido largisimo aki. Mester bisa cu e Team Willemstad di Robert/Barry/Nick/Max den ekipo di 4 ta esnan cu a dal un total di 66 rond, cual tabata e mas hopi. Team mix di 6 cu ta Islanders Catch Us If you Can di Rodney, Jonovan, Jeannick, Shauwmir, Victoria y Melissa a dal 63 rond hunto cu Team di 2, De Beijkers di Mart/Tom Fieret y Homburg cu tambe a dal 63 rond.
Un pabien na e organisadornan y ganadornan pa cu e super exitoso 12 Hours of Aruba. Un danki na tur e boluntarionan cu e yuda grandemente na e magno evento aki.