Diadomingo awo ta tuma luga e evento grandi di MetaFit Walk Run. Un biaha mas MetaCorp a sa di yega na su meta y e biaha aki a kibra record den participante.
Hopi hende a inscribi, pero ainda tabatin mas persona cu tabata pidi pa forma parti grandi di e evento di MetaFit. Como cu peticion tabata asina halto, nos a dicidi di habri 100 spot extra. Nos ta orguyoso di por a yena e ultimo luganan y asina haya un record di participante. Nos tin un total di 1750 participante e aña aki.
Diamars, 27 di juni, tabata e ultimo oportunidad pa inscribi y busca e BIB na Gloria. E interes tabata asina grandi cu nos a sold out. E ultimo participante cu a ricibi e BIB #1750 ta e hoben di diesseis aña Kiandra Gomes.
Diadomingo e participantenan por core of cana e distanicianan di cinco, dies y diescinco kilometer. Tambe tin e distancia di 400 kilometer pa mucha, e grupo di mucha cu ta importante den e evento aki. E evento di cinco kilometer ta di diesshete aña bay ariba.
Nos ta topa bo diadomingo awo na Gloria.
Ultimo biaha cu a tene e competencia di MetaFit Walk Run tabata na 2019. Pero pa motibo di e pandemia y tur e medidanan cu tabata tin e tempo ey, no por a organis’e. MetaFit ta un evento di MetaCorp cu a bira grandi despues cu hopi hende a cuminsa participa. Den añanan 90 e coleganan di MetaCorp a cuminsa cu Meta 7 Kamp, unda e coleganan tabata bini hunto pa reta otro den diferente actividad. Pero pocopoco famia di e coleganan por a participa y awendia e ta un evento cu henter comunidad ta participa.
Na 2010 a cambia esaki y a organisa e prome MetaFit Walk Run pa publico participa. E aña aki ta tene e di dies MetaFit Walk Run. E famia y gerencia di MetaCorp ta gradici comunidad di Aruba pa e sosten ricibi durante tur e temponan aki.
