625
Diasabra mainta den Centro Deportivo Frans Figaroa na Noord, RCA a enfrenta Nacional den e weganan semi-final den e categoria U11 di AVB. Apoya pa un bon publico e dos rivalnan aki a enfrenta otro pa un paso pa e gran final.
RCA y Nacional semper ta duna otro bon bataya sigur den e playoff nan final. Ambos ekipo ta bay tur cu tin y esey nos por a mira awe tambe. Por a sinta claramente e tension y emocion paso ta un so por logra clasifica pa final. Despues di e anota e gol di bay ariba, RCA a sigui forza duro pa asina extende e ventaha un tiki mas faborabel. Na final, RCA ta sali victorioso ganado cu e score di 4 – 0. Tur 4 gol di RCA a bini di diferente hungador. Esnan cu a anota pa RCA tabata Urijah Erasmus, Zivon Thodé , Deymar Conceicao y Ishem Howell
Otro siman 13 di Mei, RCA lo enfrenta Dakota den e gran final. E wega ta programa pa cuminsa 8.30 mainta den Frans Figaroa na Noord
