586
Awe durante un conferencia di prensa na nan clubhuis na Solito, e directiva di RCA a splica mas tocante e tres dianan aki cu lo priminti di bay hala hopi fanaticada. Presidente di RCA, Jeff Lopez a splica e motibo pakiko RCA a dicidi di cuminsa organisa actividadnan deportivo na e club. RCA ta mucho mas cu futbol, y lo kier recauda fondo pa asina sigui traha riba e muraya di e club y cu e plan pa hiba e club na un otro nivel. Pa e motibo aki tambe ta trahando duro pa yega na tur esakinan.
Miembronan di bestuur, Arienne Westerburger, Devin de Veer y tambe Christer Carlet (encarga cu Kickball) a splica un poco mas riba e tres dianan di evento. E biaha aki lo tin torneo di futbol U9 unda diferente ekipo a confirma nan participacion. Tambe lo tin e grandioso torneo di e tan popular kickball unda varios ekipo gubernamental, otro priva y tambe di futbol mes lo bataya fuerte pa e premionan cu e biaha aki tin un cash price mara na dje mas caha di cerbes. Mirando e hermandad den e ultimo añanan entre RCA y Dakota lo bay tin diferente “challenge” na diferente nivel manera bestuur y tambe veterano tur esaki den kickball.
E tres dianan di evento lo bay ta super grandi y spectacular. Ta spera masha hopi hende cu lo bini y haci e dia uno familiar y deportivo. Bar y cushina lo ta imbatibel manera RCA so por.
Adhunto e schedule di e dianan di e celebracion di King’s Cup na RCA