Diasabra anochi, RCA a culmina nan celebracion di 90 aniversario cu un fiesta y den seno familiar na RCA Arena.
E gran celebracion di RCA su 90 aniversario a cuminsa riba 13 februari cu un Brindis y bendicion na RCA pa full e club. Na Augustus a celebra esaki cu nos divicion nan infantil na waterpark y ayera nochi a toka turno pa celebra e gran fiesta di 90 aniversario hunto cu Directiva, coaches, leidsters y fanaticonan. E anochi aki tawata tin entretenimiento di banda IMPAK y Dj Niño haciendo esaki un fiesta trankil y bunita.
Durante e celebracion, a rindi homenahe na 8 persona, cu durante varios aña a sa di duna nan contribucion na nos club. E esakinan a keda na : Edwin Todd, Harold Pereira, Francis Arends, Juan Werleman, Pedro Krozendijk, Roy Leyba, Joy Rosa y Rafael Vanegas. Na mesun momento tambe a duna reconocimiento na algun persona cu ainda ta activo y cu pa varios aña ta voluntario activo na RCA, Entre esakinan: Arianne Westerburger, Veron Albertsz, Irene Dake, Giovanni Davelaar y Icho Matos. Tambe a duna honor na Ronald Gomez, pilar y ex hungador di nos club. Gradiciendo E pa tur e añanan contribui na RCA.
E comishon encarga pa cu e aña di celebracion di RCA su 90 aña tawata forma pa Misha Pimienta, Shohreh Albertsz, Omashalee Kelly, Carolann Larmonie, Kiana de Lannoy y miembro di directiva Tiana Leon, kende nan a traha incansablemente pa por a hasi e aña uno exitoso.
Directiva di RCA hunto cu Comishon 90 kier a gradici tur nos sponsornan y miembronan pa hasi esaki posibel.
