Diasabra mainta tabata tin e gran semi-final di futbol den e categoria U9 unda La Fama y Nacional a enfrenta otro. Dos ekipo hopi pareu unda nos por a mira bon duelo riba tereno cu ambos ekipo hayando bon chens pa anota gol. Den e minuut nan inicial La Fama ta haya un tiro liber basta leu for di e porteria. Aki e hobencita defensor di La Fama, Mia Jansen ta los un tremendo tiro cu su pia drechi cu ta bay pega den e 90 grado di e gol pa e 1 – 0.
Despues di esaki Nacional ta presiona buscando e gol di empate cul nan ta logra tambe pa e 1 – 1 pa medio di Jaydrien Werleman. Casi na final di e wega, La Fama ta haya un penalty cual a ser bon cobra pa e hoben Edison Geerman cu ta manda La Fama ariba 2 – 1. Asina tambe e wega a termina cu La Fama clasificando pa e gran final di U9 otro siman
La Fama lo enfrenta RCA den stadion di Frans Figaroa na Noord pa 8.30 di mainta.
