Nos dia nacional esta 18 di maart lo wordo celebra na grandi den e bario di Piedra Plat y un biaha mas. Den e caso aki diferente organisacion den bario a sera cabes pa hunto haci e dia aki esun di mas grandi na Aruba.
Piedra Plat pa masha hopi aña ta conosi pa weganan popular y cu e famoso balansamento di auto. E aña aki C.B. Piedra Plat, Centro Famia Piedra Plat, SV Britannia, Fundacion Car-Ritmo, Roller Skate Aruba lo ta hunto pa celebra e dia importante aki pa Aruba.
E actividadnan aki lo tuma lugar ariba e parkeerplaats di C.B. Piedra Plat/CDFB y ariba e veld di futbol di Britannia. E actividadnan aki lo cuminsa for di 10’or di mainta te cu 6’or di atardi. Tambe tin posiblidad pa pueblo bin bende nan productonan manera artesania entre otro por tuma lugar na cellular 593 6720.
For di awor nos ta extende un invitacion na pueblo di Aruba en general y particularmente e barrio di Piedra Plat y vecindario pa bin y hunto nos engrandese e dia aki.
