Una bes mas, Perla Gymnastics Aruba ta rumbo pa Colombia pa representa nos dushi isla den e International Gymnastics Cup ( na honor di Junsuke Iwai ) e dianan 19 pa 23 di Juli 2023.
Perla lo hiba 21 atleta den diferente nivel, cual ta Pre-Nivel 1 te cu Level 4.
Pais nan cu lo participa ta Colombia, Panama, Venezuela, Aruba, Bolivia y Ecuador.
E gimnastanan di Perla Gymnastics Aruba semper a logra haci un tremendo papel ora nan competi den exterior. Den 2023, Perla Gymnastics a obtene bon resultado den e campeonato di Simon Biles na Housten, Texas ganando varios medaya. Tambe nan a biaha pa Miami unda a competi den e Miami Rhythmic Art Invitational 2023. No por lubida cu na nivel local tambe e gimnastanan di Perla a destaca aki den e campeonato nacional di gimnasia artistica den Centro Deportivo Betico Croes teni na luna di maart ultimo
Di aki banda nos kier a desea Perla Gymnastics tur clase di exito.