Desde 1973 na Hulanda cu sra. Glenny Croese-Yarzagaray a muda pa Hulanda e la cuminsa participa den e mundialmente famoso 4 dia di caminata esta Nijmeegse vierdaagse. Señora Glenny semper a cana esaki hunto cu un bon amiga di dje pero despues di 20 aña su amiga mester a stop. Asina mes sra. Glenny si a continua cu su participacion den e Nijmegen Vierdaagse ya cu e ta un persona cu gusta movecion y sigur cana. E ta gusta yuda hende riba caminda y combersa cu nan sin lubida esnan bandi caminda cu semper e ta saluda. Manera Glenny mes a comenta; Mi ta cana pa tur Arubiano na Aruba paso mi ta un Arubiano cu Orguyo. Den sra. Glenny su recorido di 4 dia, e ta bisti algo cu tin bandera di Aruba riba dje mientras riba e ultimo dia hopi hende ta bisti disfras unda sra. Glenny ta bisti su t-shirt di Aruba y su headpeace di carnaval hunto cu su bandera grandi di Aruba cu Orguyo ta cana. Mas cu claro esaki ta hala atencion caminda hopi cu ta apoye ta tuma tempo pa saca un potret cune bandi caminda.
Mirando cu e aña aki tabata di 35 aniversario, su yiu muher Sulai cu ta biba na Aruba y su famia a biaha specialmente pa e occasion unico aki. Casi yegando e final riba e ultimo dia, su nieto Shansley di 14 aña y su yiu muher Sulai a acompañe te final. Sulai a conta nos cu bo por a sinti e emotion y ambiente na final.
Un caluroso pabien na sra. Glenny Croes- Yarzagaray cu su 35 participacion den e Nijmegen Vierdaagse na Hulanda.
