1K
Diasabra mainta nos a keda invita na tereno di Nacional na Alto Vista pa mira dos partido di Nacional U-9. Mester bisa cu den un super bon ambiente cu hopi hende presente nos a presencia Nacional 1 y 2 contra di Bubali y Brazil Jrs respectivamente.
E ekipo di Nacional 1 a gana Bubali cu e score final di 9 – 0. E hoben Werleman a tuma mitad di e golnan na su encargo mientras Arango a hinka tres gol. Werleman y Arango hopi agil na bala y bon pia pa tira riba gol. No obstante di e score, e ekipo di Bubali a bataya bon y a sigui hunga nan futbol y scucha instruccion di nan coachnan.
E golnan di Nacional a keda anota pa Isaac Arango 3x, Jaydrien Werleman 5x y Joel Montero 1x.
Pabien Nacional y Bubali. Otro siman atrobe
