Pa nos e mihor hoben multi-atleta cu nos a presencia den e ultimo 5 añanan na Aruba. Dominante den tur loke e la competi y casi tur biaha a subi podium sea ta na di prome, di dos of di tres lugar. Despues di su accidente cu a tene varios luna afor Rebecca a bini bek mas mihor cu nunca, kizas mihor cu prome, unda e la triunfa den varios evento sea ta core, bicicleta of triathlon.
Awor Rebecca lo sigui su estudio na Hulanda den e luna di Augustus unda e lo bay biba y studia. Pa nos esaki ta otro momento pa tin un sentimento mixto mirando cu otro atleta prominente di Aruba ta bandona e isla pa busca su futuro, ya cu e deporte a yega te aki. Den mayoria caso hopi ta pone un stop na nan deporte(cual ta comprendibel debi na estudio) y no ta haci mucho mas na dje.
Den e caso aki, nos ta spera cu Rebecca si por sigui cu su deportenan na Hulanda pa asina por representa Aruba den oportunidadnan deportivo cu presenta. Esey sin duda ta un deseo di nos tur.
Danki Becca pa laga nos disfruta dibo prestacion durante e kizas 8 anjanan cu nos a sigui bo di serca. Tabata un honor pa mira bo desaroya como un di Aruba su mihor atletanan femenino di tur tempo.
Nos di 297sports kier a desea bo tur clase di exito den bo carera nobo na Hulanda.
