Atletanan Eddy Toro y Thelion Coutinho a representa Aruba den e competencia organisa pa “CAZOVA” (Caribbean Zone Volleyball Association) y na e Circuito di“NORCECA. (North Central America Caribbean Volleyball Confederation) cu a tuma lugar na Bonaire.
Den e competencia di “CAZOVA” Aruba a duna un bon presentacion y a bay wega final contra Trinidad y Tobago. Nan a logra bin cu Medaya di Plata cas y a demostra nan potencial y cu mester tene cuenta cu nan!
Den e competencia di “NORCECA” Aruba a duna bon bataya pero den e competencia aki Aruba a sali cortico. Atletanan Eddy y Thelion sigur ta prospectonan pa futuro. Na e dos competencianan aki nan demostra nan abilidadnan y a competi ariba un bon nivel.
Aruba Volleyball Association ta orguyoso di atletanan Eddy y Thelion cu a duna un bon prestacion den nan salida como duo atletanan di Beach Volleyball y nan a hunga cu determinacion pa asina logra e di 2do lugar den CAZOVA Tournament.
Un PABIEN grandi ta bay na e duo atletanan Eddy y Thelion.
