89
E hoben coredornan di Karting, Gianmarco Franzoni y Jeán-Elson Oduber a ricibi nan tire di karting firma pa ex-piloto di Formula 1, e legendario brasilero, Rubens Barrichelo. Diadomingo durante careda di karting, señor Gio Wong a presenta dos tire firma como regalo na dos coredor cu su persona ta aprecia y guia den e mundo di karting.
E hobennan Gianmarco Franzoni y Jeán-Elson Oduber a ricibi como sorpresa e tirenan cu a wordo firma dor di conocido coredor di formula 1 y karting, Rubens Barrichelo
Rubens Barrichelo a firma 2 tire di su Gokart pa e 2 hobennan arubiano cu ta disfruta di e deporte di velocidad. E tire nan cu Ruben a firma ta e tirenan cu ela usa ora ela gana su careda den categoria di Rotax na Orlanda Florida den e luna di februari 2025. Un danki tambe na señor Micheal Ruiz cu a yuda señor Gio Wong logra e bunita recuerdo aki pa su dos hoben coredornan. E legendario piloto brasilero, Rubens Barrichelo tabata piloto di Scuderia Ferrari den Formula 1 y compañero di e icono di F1, Michael Schumacher di Alemania. Awor Barrichello ta dedica su mes na e deporte di karting.
Mas cu claro, Gianmarco y Jean-Elson a keda super contento cu e bunita gesto aki di parti di Gio. Esako ta un motivacion extra pa nan sigui haci nan best pa logra nan soño den e deporte di velocidad.
