Haguen Orman lo representa Aruba den e Junior World Cup 2023 na Slovakia

by Jessica Krozendijk
429 views

Despues di a sali campeon nacional den e categoria SODI Junior den aña 2022, Haguen ta preparando su mes pa representa Aruba na e mundial SWS SODI di karts den e luna di Juli na Slovakia. E siman aki Aruba a ricibi bishita di e representante di SODI Latino América cu a bin ser conoci cu e piloto nan cu lo bay representa Aruba na e mundial.

Diabierna atardi na Bushiri Karting, Haguen Orman a ricibi su ticket oficial for di representante di SODI Latino America unda cu e lo representa Aruba na Slovakia.

E organización di SODI ta sumamente contento cu Aruba a amplia su categoria nan y ta bay manda pa prome biaha un Junior. Tambe nan ta sumamente entusiasma pa mira un piloto tan experiencia como Haguen den acción na e mundial.

E hoben Orman tin 7 aña ta praktica e deporte di karting y ya caba tin su experiencia internacional unda e la core entre otro na Colombia. E ta preparando super duro pa cu e competencia unda e ta entrena fuerte tur siman.

Haguen ta gradici Bushiri Karting Speedway pa e oportunidad aki y tambe ta open pa ricibi cualkier ayudo posibel pa hasi e viahe aki posibel y representa Aruba como debe ser na un Mundial di karting

Masha pabien!

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs