1.4K
Na Glasgow, capital di Escosia, e hoben Wouters a bringa su mes den tur e heat nan ganando 3 prome lugar pa despues core e rondanan final cu tres como di dos lugar den e kwart y semi-final.
Den e gran final di e BMX U9 di e federacion mundial UCI, Kailen ta start na lane 1 unda e ta sali hunto cu e coredor di Republica Checo. Den e prome bocht, Kailen ta domina y ta bay laga henter e field di coredor y aki ta pusha duro pero den e ultimo bocht finalisa e careda, Kailen ta wordo pasa bek pa e coredor di Republica Checo y no ta laga e ventaha bay mas. Kailen a purba tur cu tini pero asina mes ta finalisa como e number dos di mundo den un careda cu Aruba a celebra aki y sigur tambe na Escosia cu e delegacion di Aruba apoyando all out.
ta bon pa bisa aserca cu den e mundial anterior di UCI BMX na Nantes, Francia na 2022, Kailen a keda na un di 5 lugar di mundo. Pues awor Kailen ta subi tres puesto pa keda como number dos.
Un pabien na Kailen Wouters, su famia, amigo y conocirnan como tambe na henter e comunidad di ciclismo y BMX na Aruba y sin lubida Aruba mes cu semper ta para tras di nos atletanan unda cu nan bay y defende e honor di nos bandera.
