1.1K
Awe e delegacion di Roughriders BMX team tabata presente na e Copa Antioquia, Medellin Colombia. E veld tabata uno largo y grandi, ta conta cu un Starting Hill di 8 meter. No obstante di esaki, asina mes nos muchanan a bataya contra e mas duro nan di Colombia den nan respectivo klasse.
E hobencito Asher Geerman cu a core den 9-10 Novatos, y no ta logra drenta e top 8 nan pa final. Sigur un experencia mas coriendo un veld asina pa prome biaha.
Jaydrick de Cuba a core 11 expertos y ta sufri un caida cual ta pone cu e mester a retira di e careda di awe.
E hoben Thericson Ruiz, a core den 7-8 Novatos y ta bay final contre duro nan di 8, y ta logra un di 5 luga.
Levi Keteldijk a hasi bon papel henter dia, unda e tabata activo den su moto nan y ta bay un final den e duro nan di 11 expert class, unda e ta finalisa na di 8 luga.
Sigi pa Kailen Wouters cu ta titula Campeon den expertos 9 aña.
Sigur un experencia sumamente bon pa nos muchanan di Roughriders Aruba, unda cu ainda nan tin 1 siman mas di Entrenamento prome cu bin bek Aruba.
Nos kier a manda palabra di Pabien y sigi cu e bon trabou!
Aruba mustrando Nivel den Bmx aya nan na Colombia!