Joshua Zara e anja aki ta coach di e ekipo RCH Pinguins di Heemstede na Hulanda, un club porcierto den pasado, e mes a milita den dje como pelotero. Pa prome biaha den historia di e organisacion di baseball Pinguins, nan lo ta den e playoff di e division mas halto esta Hoofdklas na Hulanda. Nunca antes e club a logra yega asina leu desde nan existencia. E logro aki ta bibando grandi den e club
Algun dia pasa RCH Pinguins a logra gana dos wega sigui for di Twins Oosterhout y asina clasifica como e ultimo y 4 ekipo pa e playoff final.
“Nos ta super contento cu e logro aki y sigur orguyoso”, presidente di e ekipo Frits van Iperen a bisa. Segun Van Iperen e spirito den e team ta fantastico y pa cu esaki e tin cu gradici coach Joshua Zara.
“Coach Joshua Zara ta merece tur e credito aki pa crea un hopi bon ambiente. Hopi biaha bo ta mira na e clubnan di baseball e peloteronan di isla combersa den papiamento cu otro. Aki na Pinguins esey no ta pasa. Semper nan ta presente na nos BBQ party cu nos ta organisa como club”.
Awor RCH Pinguins lo mester midi forza contra di Neptunus, HCAW (Bussum) en Amsterdam Pirates den e playoffs di e baseball Hoofdklas na Hulanda.
Pabien Joshua Zara.
