Jaxx Fowler ranked #2 den caredanan di BMX na Merca

by Seever Krozendijk
452 views

Den e week-end di 14-16 April “Lightning Jaxx Fowler” di Speedworx bmx Aruba a participa n’e “Dixieland Nationals” (Atlanta, Georgia), na unda Jaxx a participa pa prome biaha den e categoria “Intermediate”, ganando un tercer puesto den e main event riba Diabierna, riba Diasabra Jaxx a logra sali number 2 den main event y riba Diadomingo un bes mas number 2 den main event. E week-end despues 21-23 April Jaxx a sigui participa n’e “Cajun Nationals” (West Monroe, Louisiana), na unda a logra riba Diabierna segundo puesto den main event, riba diasabra prome puesto den main event y riba diadomingo un bes mas prome puesto den e main event.

Siguientemente Jaxx a participa n’e “High Springs BMX Races” (High Springs, Florida) riba e week-end di 28-30 April. Aki Jaxx, siendo henter careda na prome luga den e main event, lastimamente a slip cay den e ultimo birada pa “finish line”, esaki a consecuencia di un yobida, kedando asina na ultimo luga (#8). E siguiente caredanan a keda cancela riba e dia ey, ya cu e tempo a empeora (yobida fuerte y lamper). E siguiente dia Jaxx a resulta mas exitoso y a finalisa na un prome puesto den e main event. Un tremendo logro pa un mucha cu a caba di cumpli 5 aña, participando den e categoria “Intermediate” pa prome biaha na Merca. Ta bon pa menciona cu na Januari ultimo Jaxx a core den e categoria “Novice” pa prome biaha na Merca y ya despues di tres luna coriendo den e categoria di “Novice” a wordo promovi pa e organisadornan di BMX USA/Canada p’e categoria “Intermediate”. Tambe ta bon pa menciona cu actualmente Jaxx ta ranked #2 den su edad na Merca. Finalmente ta desea “Lightning Jaxx” tur clase di exito fin di luna na Nashville (Tennessee) y sigui rindi honor na su pais Aruba.

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs