1.4K
Diaranson anochi durante un rato ameno na residencia Anthony Figaroa, e organisacion di futbol veterano Hooiberg Vets a bini hunto pa asina batisa nan uniform nobo. Mester bisa cu un bes mas Aruba Bank NV a mustra nan confiansa den Hooiberg Vets y a patrosina e bunita uniform color blou strepia preto. Representante di Aruba Bank NV, sra. Michelle Harms hunto cu e madrina di e ekipo, sra. Audrey Tromp den presencia di e hungadornan di 40 y 50 plus a basha e champange pa asina duna e suerte na e dos ekiponam di Hooiberg Vets. Na final, Hooiberg Vets a otorga na sra. Harms e Copa na di tres lugar conkista temporada pasa den e campeonato 50+.
E aña aki Hooiberg Vets cu dos ekiponan 40+ y 50+ ta hunga den e campeonato di futbol veterano Fedeveta. Den nomber di e directiva completo, nos kier a yama un danki na Aruba Bank NV pa cu e apoyo y sosten duna na nos organisacion.
