Hoben Rachyd Baroud di Aruba a cumpli 16 aña y keto bay ta inspira otronan den su deporte preferi

Algun dia atras nos di 297sports a publica un video di un hoben cu un bandi man praktikando e deporte di baseball y claro esaki semper ta inspira. Pero bo tabata sa Aruba mes tambe tin un hoben asina cu 5 aña atras a imigra pa Hulanda. Su nomber Rachyd Baroud.

 

Pa 13 aña y mei caba cu un banda di man, e hoben Rachyd Baroud a cuminsa hunga na Aruba cu su 2,5 te cu su 10 aña den campeonato nan di ABBA y Aruba North Little League. Un 5 aña pasa famia Baroud a muda pa Hulanda door di Rachyd pa cu su desaroyo y un mihor guia. Asina Rachyd a sigui activo te cu awor ta formando parti di HCAW Bussum unda e ta hunga den 1 Klasse y ta pitcha,bati y para na primera. Rachyd ta haya ayudo di entre otro e conocido ex-pelotero profesional, Ralph Milliard. Tur tereno cu Rachyd a bai hunga, tur hungadornan di tur team no por keda sin expresa na dje, e respet cu nan tin pe.

 

Aki nos por mira cu Aruba tambe tin un pelotero cu ta hunga baseball pa añas caba cu un banda di man. Masha pabien Rachyd sigui inspira otronan cu hamas limita bo mes den loke bo ta gusta haci.