Hisamento di flie ta algo hopi bunita y unico, pero e por ta super peligroso tambe

Pa dos dia nos a bishita e tereno di Pepsi na San Nicolas pa mira hisamento di flie, un competencia organisa pa Extreme y Next Leve kite flyers di Aruba y Corsow. Algo cu sigur a hala nos atencion ta e cantidad di biaha cu e anouncer/entertainer a bisa pa e mirones nan parti patras di e tereno pa sea kita nan auto of pa nan mes hala for di eytras mirando cu e flie por causa danjo ora esaki bini abou. Wel awe diadomingo cu nos propio wowonan y for di nos lens di camara nos a capta algun momento cu enberdad tabata un peliger pa tur cu ta para patras na e evento sea ta hende of auto. e potretnan ta papia pa su mes sigur cu e flienan di categoria C cual ta esnan sigur di 3 meter y/of mas grandi. E flie mes of e linea cu ta hisa e flie por ta mortal pa e hende. Y claro esaki por causa danjo pisa na e auto.

 

Nos ta kere cu den un proximo ocasion pa tur hende tene debido cuenta cu e sugerencianan aki. Mihor preveni cu lamenta.