883
Diabierna ultimo e ciclistanan diTri-Bike Team Aruba a bin oficina di Guardian Group pa lansa nan uniform nobo y yama danki pa cu e sponsorship di Guardian Group. Pa hopi aña Guardian Group Dutch Caribbean ta sostene e ciclistanan di TRI-BIKE ARUBA pa nan disciplina y passion. Alabes mester bisa cu ciclismo den e ultimo añanan a crece y bira sumamente popular na Aruba. Mas ainda door di triatlons y caredanan di ruta y mountainbike. TRI-BIKE TEAM ta existi 28 aña y tin un cantidad di mas o menos 50 miembro entre edad di 8 pa 82 aña. E team nan di mucha/hoben 6-16 aña ta train tur diasabra mainta. TRI-BIKE ta organisa su propio eventonan, como por ehempel TRI-BIKE MTB 3dia consecutivo y 1 a 2 Competencia durante aña. Ademas e miembronan di TRI-BIKE ta participa na triatlons, careda di ruta y mountainbike. TRI-BIKE ta orguyoso di tin algun campion Nacional den nan team como, Loren Muffat-Meridol (Junior Women), Paul Cremers (Men Elite), Gert van Vliet (Men Master C) y Brian van Romondt (Men Master C). Den Mountainbike y ciclismo ta reconoce e campion nan Nacional den na Jersey cu colornan di nos bandera di Aruba. Ultimamente Loren Muffat-Meridol a participa na un careda International “UCI MTB Race” na Puerto Rico bistiendo su jersey representando Aruba-TRI-BIKE y Guardian Group. Ademas e tienda di TRI-BIKE ta celebrando aki poco siman 30 aña di existencia na Aruba.
Di antemano Gerencia y personal di Guardian Group kier a felicita Annemarie, Gert y Paul pa e exito di nan negoshi y cu TRI-BIKE TEAM promoviendo e deporte di ciclismo na Aruba. Na tur e ciclistanan pabien tambe y corda LIVE EASY den trafico.