Diamars atardi, Denzel Dumfries y su ekipo Inter de Milan a logra gana e wega di buelta contra di e rival AC Milan pa asina hunga e gran final di UEFA Champions League. Siman pasa caba Inter a gana AC Milan cu e score di 2 – 0.
Pa Denzel Dumfries sigur un super momento ya cu despues di e mundial a mustra cu Inter no lo tabata tin mester di su servicio mas pero Denzel a keda persevera y demostra con valioso e ta pa su ekipo door di hunga casi tur wega y ta clave den e 11 prome nan.
Pa Denzel Dumfries esaki lo bira su prome final di UEFA Champions League y lo bira e prome futbolista cu a hunga den seleccion di Aruba cu awor lo hunga pa e torneo di COPA pa clubnan mas grandi na Mundo. Awor Inter lo mester warda riba e ganador di Real Madrid y Manchester City cu lo hunga majan diaranson
Un pabien na Denzel Dumfries y Inter de Milan como tambe na henter famia Dumfries na Aruba y Hulanda.