1K
Faltando algun minuut pa e wega termina La Fama ta empata e partido 1 – 1 ora cu RCA ya caba por a cuminsa celebra nan titulo campeonil despues cu Jaylen Jansen ta manda e ekipo di RCA dilanti 1 – 0 tras di un cabezaso den e prome tempo. E hobencito peligroso di La Fama, Jacob Cortes ta mishi cu e bala prome cu e portero di RCA yega na esaki y asina empata e partido 1 – 1.
Den e serie di penalti, e nervionan tabata haltisimo cu un presion enorme riba e muchanan di ambos ekipo. A lo largo RCA a domina esaki mihor y ta titula campeon invicto di e campeonato Liga Oro den U9.
Despues di e serie di penalti, miembronan di AVB a reparti e medaya y trofeonan na e dos ekiponan.
Pabien na tur cu e haci esaki posibel pa nos muchanan. Por ultimo nos di 297sports kier a manda un palabra di pronto recuperacion na coach Kevin Lake di La Fama cu a bira malo na tereno debi na e calor insoportabel e mainta aki.
