Na veld di Pepsi na San Nicolas, trafico a stagna formal mirando cu mitad di Aruba a purba na yega e tereno di baseball pa asina admira un bunita show presenta pa e organisadornan hunto cu e demas team nan di flie di Aruba y Corsow. Sin duda un tremendo anochi cu a hala masah hopi mirones mes tur a bin wak e spectuculo unico aki. Tabata tin flie di tur sorto di tamano y tur hende tabata bon prepara pa brinda e publico presente un show pa no lubida. Compania di electricidad, N.V. ELMAR a percura pa e premionan cu mas cu claro e duna un extra motivacion na e teamnan pa ta super bon prepara. Un tras di otro e flie cu luznan tabata bay laira y aki e huradonan tabata haci nan anotacion y duna nan veredicto.
Manera nos a scirbi den un post anterior, e flie cu a acapara mas atencion sin duda tabata e flie gigantesco den forma di piramide di 4 meter y 90 centimeter di famia Robert Faro cu a pone tur hende cende nan cellular y cuminsa graba un momento unico.
Awe diasabra y majan diadomingo, e evento Kite Battle ta continua na Pepsi Field for di 10or di mainta te cu 6or di atardi cu awe diasabra alrededor di 300 flie pa admira mientras majan diadomingo lo tin e flie nan gigante di 3, 4 y 5 meter. Bar ta bon surti mientras e mondjesnan lo ta den man di Cacheton Grill powered by Team Richi.
Yega trempan pa bo no cana mas cu 1km na pia pa bo yega e tereno di Pepsi.
