Nos tabata tin e grato placer di e cubri e subida di Hooiberg y sigui di serca e hoben Disjonrick Jacobs cu hunto cu Brainer Lampe y Gerald Moreta a participa tambe den e Ronde van Aruba diabierna ultimo. E team Beyond Sports Limit sin duda tabata un di e highlight nan den e RVA aki. Nos a combersa cu Disjonrick riba su experiencia, e dos personanan cu a pushe durante henter e trajectoria di 72km, su sentiment y mensahe na otro personanan cu limitacion. Tambe nos a puntra Disjonrick riba e subida di Hooiberg siman pasa hunto cu e dos bringadornan di MMA, Damian Pinas y Davon Duncan acompanja pa Vianney Koffie hunto cu Beyond Sports Limit.
297sports: Con bo a haya e experiencia di Ronde van Aruba
Disjonrick: E ta un experencia nobo pami paso e ruta ta mas largo y mas extreem. Pami e parti mas great ta cu mi por a wak partinan bunita di aruba cu mi nunca a wak.
297sports: Kiko bo por conta nos di Gerald y Brainer durante henter e ruta.
Disjonrick: Nan ta hopi atento dimi y nan tur dos ta take care dimi. Henter ora nan ta check si mi ta bon. E tawata great pa sinti e diferencia den speed entre nan dos.
297sports: Con bo a sintibo ora bo a crusa e finish line na Mariniers Kazerne.
Disjonrick: Mi a sinti super contento di por a experencia esaki. Mescos cu e hazaña di november cu nos a logra. Mi ta sinti mi proud cu mi a logra un meta mas riba mi lista.
297sports: Gerald a sufri basta den e ultimo pida. Con abo a sinti.
Disjonrick: Mi no a ripara dibiaha cu e no tawata sinti bon. Ora e la bira keto y su pace a baha mi sinti cu algo no ta bayendo bon. E fastioso ta cu mi no por wak kico ta pasa mi tras. Mi a cuminsa puntra e otro persona nan rond dimi kico a pasa. Mi a precupa pa su salud. Mi ta contento cu e la recover y cu e por a caba e race.
297sports: Ki mensahe abo tin eyfor pa hendenan cu limitacion.
Disjonrick: Manera mi ta bisa si bo tin gana di logra algo bo tin cu djis bay pe. No laga bo limitacion stroba bo pa enjoy bo bida.
297sports: Disjonrick bo gradicimento
Disjonrick: Na prome lugar mi kier gradici papa Dios pa pone e personanan corecto den mi bida. Sin nan mi no por a logra esaki. Danki di curason na Brainer y Gerald pa pusha duro pa nos por a logra esaki. Danki na e tremendo team di nos cu tey 100% nos tras. Danki na tur sponsor cu a sostene nos. Danki na mi squad cu a apoya nos full e ruta.
297sports:Con e experiencia tabata pa subi Hooiberg hunto cu Davon, Damian y Vianney?
Disjonrick: Hopi bon. Mi a sinti mescos hopi great cu mas persona kier a yuda mi e dia ey pa mi por a logra. Nan ta mi pianan e atardi ey.
297sports:Con e sentimento tabata ora bo a mira Aruba pa prome biaha for di halto?
Disjonrick: Mi tawata asombra con bunita aruba ta. E view tawata amazing. Super contento cu tur cos a bay bon y nos no a lora bin abou. Mi wela y tanta tawata tin nervio y miedo. Mi mes ta trankilo paso misa mi ta den bon man di hende nan strong.
