Diahuebs 20 di Februari a tuma lugar na Peanuts Restaurant un celebracion pa entrega uniform nobo di e team Hammersharks U14. E team aki lo ta hungando Pony League y preparando pa Little League bou di e maneho di coach Francis Kock (Boss) y cu ayudo di coach Lito Erasmus.
Como madrina di e team a fungi Silvia Andrea Lee como tambe Sophia Bemer kendanan a bautisa e uniform nobo. A uza e shirt di coach Boss pa dune honor tumando na cuenta cu e mes no por tabata tey pa motibo di kebrante di salud.
E beisbolistanan, mayornan y miembronan di organizacion a disfruta di un delicioso buffet y brindis ofreci pa Peanuts Restaurant.
Organizacion di Hammersharks ta gradici Peanuts Restaurant pa e apoyo continuo y ta urgi mas compania local pa sigui e bon ehempel aki di inverti den nos hobennan y deporte.
