1.3K
Actualmente e ekipo di Aruba Junior League ta compitiendo den e campoenato Latino Americano di baseball na nos isla ruman Corsow. Ayera Aruba a hunga nan ultimo wega cual nan ta cay venci 14 – 13 contra di Corsow Liga Pabou despues di tabata gana 13 – 5.
Durante e wega di ayera diaranson e hoben Xylon Starke a tira contra Corsow y a domina nan por completo.
Meneer Ulrich Janga cu ta sigui e baseball di serca a scirbi un bunita relato riba e hoben arubano, Xylon Starke na cual sr. Janga tin 3 anja ta sigui di serca.
E relato di sr. Ulrich Janga ta bisa asina ki:
Hopi hende no a para ketu na e detaye aki…
E pitcher aki ta #Xylon #Starke di Aruba.
Un pitcher ku ta primintí hopi pa futiro di Baseball na Aruba.
Great y dushi ku Korsou Pabou a laga Aruba den tereno 14-13 ayera nochi despues di tbt perdí 13-5, pero kuantu hende a realisá esaki…??????????…
E dia lo jega ku Korsou lo no por gana di Aruba den Baseball.
E pitcher aki a pitcha 3 biaha den su karrera vs Korsou y tur 3 biaha ela dominá selekshon di Korsou.
Na 2021 ela tira ONE HITTER y 12 ponche vs Korsou…
Na 2022 ela tira THREE HITTER y 8 ponche vs Korsou.
Y awor na 2023 ela tira TWO HITTER y 8 ponche vs Korsou…
Tur 3x e mester a sali fo’i wega pa motibu di a jega e kantidad máximo di lansamentunan permití pa un pitcher den Liganan di Little League (regla di Williamsport pa protehá un mucha su brasa)…
Ayera nochi tambe esaki tbt e kaso.
Xylon Starke a jega su kantidad maximo di bala ku un pitcher por tira (95) den di 5 inning y a salí laga Aruba ganá 9-4 y Korsou tbt tin 2 hit so konektá…
Mas grandi e mucha homber aki bira, mas skérpi e ta bira komo pitcher y ela demostrá esey ayera nochi tambe.
Tur 3x, ta ora e pitcher aki mester a sali fo’i wega, Korsou su bateo a kuminsá funshoná…
Día e pitcher aki jega #Hubenil y #AA na Aruba, Korsou lo bai topa un pitcher hopi difícil pa bati…
Ya Xylon Starke a demostrá esaki kaba awor ku e ta mucha…
UJ a saka e foto aki, dia Xylon Starke tbt tin 11 aña.
Aktualmente e tin 14 aña.
Marka e nomber aki, Xylon Starke, pitcher di Aruba…