69
Dialuna anochi e tuma lugar e loting pa loke ta e playoff final cu e 4 ekiponan clasifica den Damas Open class. E temporada aki Britannia (campeon defensor), Bubali, RCA y Estrella lo hunga e playoff cu lo dura net 1 luna pa despues defini e dos ekiponan cu lo hunga pa e titulo maximo di Aruba su futbol femenino.
Nos tin cu bisa cu un bes mas, Britannia sin duda ta e ekipo faborito apesar cu a cay venci den 2 wega e temporada aki. Di otro banda e Ladys Pumanan a sa na gana 9 wega y empata 1 den 12 wega hunga. Corda cu e ekipo di Britannia pa aproximadamente 1 decada ta dominando e futbol femenino na aruba cu varios titulo campeonil scirbi riba nan nomber. E segundo ekipo mihor clasifica ta RCA cu a gana 6 wega, empata 3 y perde 3 wega. Aña pasa RCA tabata faborito pero ta cay venci den un final dramatico contra Britannia. RCA a disputa varios final contra di Britannia cual den mayoria nan a keda cortico. Esakinan tabata finalnan cu hopi emocion.
Como e di tres ekipo clasifica nos tin Bubali cu ta e ekipo cu a bin ta sobresali e temporada aki. Un ekipo hoben cu algun refuerso cu experiencia por percura pa un sorpresa como outsider. Bubali a caba e temporada mescos cu RCA cu 6 wega gbana, 3 empata y 3 perdi. Por ultimo nos tin Estrella kende semper ta yega e playoff pero no a haya drive pa logra e final den Damas Open. Kizas e aña aki Estrella lo por bini por la goma y percura pa un remontada. Estrella a caba e temporada cu 4 wega gana, 2 empata y 6 perdi.
All by all nos lo bay mira un playoff final sin duda heavy y sende. Diadomingo awor lo tin e prome dos weganan esaki pa 6or y 8or di anochi den stadion di Franklyn Bareño na Piedra Plat. Pa 6or di atardi, Estrella lo enfrenta RCA sigui pa Bubali contra di Britannia pa 8or di anochi.
