Recientemente durante un encuentro ameno, e ekipo di futbol Nacional Hubenil U9 -2 a tene nan celebracion di Pasco alabes a batisa nan uniform nobo patrocina pa Gianni’s Group. Santa Claus tambe tabata presente na e ocasion special aki.
E ekipo di Nacional U9-2 ta e di dos (2) team den e categoria U9 y ta bou guia di coach Sr. Albert Geerman y Sr. Ian van Lennep. E muchanan ta train tur diamars y diahuebs atardi na e veld di Washington. Sra. Emeline Tromp ta fungi como “team leader” y Sra. Edeline Weller “assistant team leader” di e ekipo. Nacional Hubenil ta consisti di mas di 200 hungado y ta dividi den e siguiente categorianan; U5, U7, U9, U11, U13, U15, U17 y U20. E meta principal ta pa stimula, prepara y encurasha e hungadonan den e disciplina di futbol. Nacional Hubenil U9-2 ta gradici Sra. Nathalie Moore y ful famia di Gianni’s Group pa nan sosten pa e campeonato 2023-2024.
Pa finalisa, e hungado-, coach- y lidernan di Nacional U9 -2 ta desea Pueblo di Aruba un feliz dianan di fiesta.
