828
Nos ta yegando e final di aña 2023 y no tin duda cu nos fiel coredor y canadornan a pone nan meta caba pa e aña 2024. Wel un fecha cu sigur no por keda afor ta e diasabra 13 di januari proximo unda CMB Caribbean Mercantile Bank N.V.(CMB) hunto cu nan partnernan ta presenta e di 24 edicion di e tan ya famoso “URATAKA RUN & WALK”. Esaki lo ta e prome careda di aña pa loke ta e calendario di Patrishi Sports Aruba. E di 24 edicion di e 5K “URATAKA RUN & WALK” lo cuminsa y caba na Urataka Center/ Best Pizza.
Tur aña e Urataka Run & Walk ta gosa di un interes grandisimo cu participacion di nos mihor coredornan den tur categoria di edad muher y homber y mirando e magnitud cada aña esaki ta uno sold out. Mas cu claro ta premira cu e di 24 edicion lo bay ta sende un bes mas.
Pa tur cu ta interesa por 
registra aki mesora na: www.uratakarun.com
registra aki mesora na: www.uratakarun.comPero laga nos bay un tiki den historia di e Urataka Run & Walk cu a inicia na aña 1995 unda cu legendario y awor veterano Gert van Vliet kende a gana e prome edicion hunto cu e legendario coredor femenino Shariska Winterdal. Ta bon pa bisa aserca cu Shariska na ocho ocasion a sa na triunfa como ganador absoluto di e Urataka Run & Walk. Si nos wak e ganadornan te cu awor den e categoria masculino Ludwig Dirksz(4) y Richard Rodriguez(3) ta registra como esnan cu mas a triunfa na Urataka. Algun otro nombernan notabel ta Arnold Brouwer, Jose Alberto Maduro, Jean Andrew Fingal, Jethro Saint Fleur, Jesus Galea y Alex Hodge. Pa loke ta e dama nan mester bisa cu despues di Shariska, nos por mira cu Lana Gobert ta sigui su pasonan cu tres triunfo den e Urataka run & walk. Otro nombernan notable ta Jacky van Putten, Jorainne Maduro, Jennelaine Vrolijk, Kimberly Greaux y Aniek Aper.
Ta bon pa bisa cu e course record di Urataka ta den man di Jethro Saint Fleur cu a marca un tempo di 17:09 na aña 2023. Pa loke ta e record femenino esaki ta den man di Aniek Aper cu a marca un tempo di 20:04 na aña 2020.
Registra awor pabo no keda afor
