Yeshua y Christian ta bira e ganadornan Overall Duo Relay 2023 i pone un record nobo riba e ruta aki.
Mester menciona cu e record bieuw di anja pasa tambe tawata riba nomber di Yeshua cu anja pasa a corele cu teammate John Giel.
Pa Yeshua ta su di 2 anja consecutivo cu ta bira e ganador overall relay riba e ruta aki i e biaha aki ta team up cu nos top coredor Christian Pereira di ViperStrong. Un danki di curazon na nos top coredor Christian pa acepta e invitacion.
Ainda nos por corda nos atleta Yeshua cu na Juni ultimo a logra Medaya di oro 3000m i Medaya di brons 1500m riba pista na e Speed Capital World Junior Championship na Bahamas.
Yeshua ta un atleta di seleccion di AAF i awor ta den training extensivo den su distancia nobo cu ta e 5km. Dentro di poco Yeshua lo ta viahando pa Merca pa sigui concretiza e parti di su skol mirando cu lo sigui cu su estudio eynan i tambe sigui practica e deporte di atletismo.
Na juli ultimo Yeshua mester a haci un 5k test unda a marca un tempo di 16.31. Esaki ta un base pa asina sigui desaroya i mehora e tempo riba e distancia aki di 5km.
Sigur pa tur e preparacion aki nos tin un team/personanan cu ta trahando duro cu nos atleta Yeshua pa cu su formacion, desaroyo i progreso.
Team ta consisti di Strenght Trainer Anthony Wever di Fit4Life cu ta haciendo un tremendo trabow di kita sombre, nos Coach Nacional Melvin Dabian pa cu su preparacion riba e distancia medio i largo, su sportmasseur Silvienne Krosendijk pa tene su musculonan optimal. I tambe na banda Yeshua pa e parti di natacion ta forma parti di su club cual e tin hopi anja ta landra cune cu ta Stingray Swimming Club.
Pabien sigur na tur e ganadornan i participantenan di Turibana cu a haci e evento grandi i nos lo sigui nos atleta Yeshua Dabian su desaroyonan di cerca.
