Semper e lo keda un lastima ora bo mira deportistanan hoben retira for di nan deporte pa motibo di lesion, specialmente ora nan a contribui den gran forma na e deporte di Aruba como seleccionado di Lifida te Hoofklas. Un lesion na rudia a pone Carl tuma e desicion drastico di retira for di e futbol di nivel ya cu ya cu esaki lo por trece cierto riesgo cune. un desicion comprendibel cu nos tur tin cu respeta. Pero ken realmente ta Carl Geerman.
E hoben Carl Geerman a cuminsa hunga futbol cu mi 4 aña pa e equipo di Britannia. Su kerida mama Juraine Croes ta esun cu a hinke den futbol y su famia nan tabata esun nan cu a motive tur ora y futbol ta core den su sanger. Tambe di parti mama y tata tur e hunga futbol.
Carl su logrnan ta grandi unda e ta coy campeon den mini baby,baby, Lififa A, B, Menor, Mayor y Junior, 1x Campeon Div honor y esun mas hopi esta 5x Copa Betico.
Cu seleccion di Aruba U20 nan a sali den e miho 4 nan di Caribe cu a bai hunga e final na Jamaica pa bai mundial. Carl su mihor momento nan tabata e penalti cu e la tira den final contra di RCA e tempo cu 15 anja pa asina su ekipo Britannia titula campeon di Aruba y e otro mihor momento ta na Trinidad and Tobago cu U-20 ora Walter a score e gol pa Aruba a gana 2-1 conta St Domingo cu a laga nos dushi isla clasifica den e 4 miho nan di Cariba pa asina Aruba hunga pa e eliminatorio pa mundial U-20 na Jamaica. Carlo ta mira e futbol di aruba ta desaroyando tiki tiki pa e futbol moderno cual esey ta bon paso nos ta adapta na e sistema nan nobo di hunga.
