Dakota ta gana Britannia 3 – 2 y a pasa pa e gran final den U11

Diasabra mainta den Centro Deportivo Frans Figaroa na Noord, e weganan semi-final den e categoria U11 di AVB a culmina cu dos tremendo partidaso. Apoya pa un bon publico Dakota y Britannia a enfrenta otro pa mira ken lo clasifica pa e final. 

 

Mester bisa cu den un super bon wega y sigur emocionante, e abehanan di Dakota a logra triunfa despues di tabata atras den e partido. E amariyonan di Dakota ta gana e pumanan di Piedra Plat Britannia cu e score final di 3 – 2. E hoben grandi pa Dakota tabata sin duda Shevon Vrolijk cu ta anota dos gol mientras su compañero 

Keanu Wernet ta logra anota 1 gol. E muchanan di Britannia a hunga bon pero lamentablemente no por a haya e net mas biaha. E anotadonan di gol pa Britannia tabata Xoan Haaften y Bradley Maduro.

 

Otro siman 14 di Mei, Dakota lo enfrenta RCA den e gran final. E wega ta programa pa cuminsa 8.30 mainta.