Diaranson anochi, na Bario Society na Paradera, Aruba Softball Bond por medio di nan president Zuleyka Willems a yama un conferencia di prensa relaciona cu algun softbolista di Aruba cu pronto lo sali pa Europa unda nan lo hunga proximamente. E softbolista femenino Zulaima Croes lo sali pa Italia dia 30 Juni pa bai hunga den e team di Nuoro na Sardiña na unda ya e softbolista Sayenne Geerman ta di tres riba e lista caba den e ekipo di Nuoro. Zulaima su posicion ta pitcher. E team di Nuoro a pasa pa play off y Zulaima lo ta un tremendo refuerzo pa e ekipo di Nuoro na Italia.
Tambe nos tin den e masculino unda e softbolistanan Eldrick Dijkhoff, Jair Thompson y Norangelo Jacobus hunto cu e seleccion di Hulanda lo hunga na Horscholm, Denemark e Europa Cup pa pais e dianan 24 pa 29 juli.
Nos di 297sports ta desea e 4 softbolistanan tur clase exito den nan weganan na Europa.
