939
Coredornan Brainer Lampe y Gerald Moreta ta cla pa acompaña Stacey, Anthony, Ginelli y Disjonrick den e Ronde van Aruba
E Ronde van Aruba organisa pa Mariniers Kazerne Savaneta a bira un evento hopi popular bou di nos comunidad. Mas y mas nos por mira cuanto hende ta ancioso pa e dia di inscripcion pa asina nan inscirbi pa forma parti di e evento cu ta pone Aruba plat for di comienso te final. Na banda di e popularidad tambe nos a wak cu e la bira uno unda hopi hende ta busca e reto den un of otro forma, no lubida cu Ronde ta 72km.
![](https://297sportsaruba.com/wp-content/uploads/2024/01/2855c0a5-6ceb-4603-ab2a-96457d23b7c9-300x114.jpg)
Diabierna awor Aruba completo lo bay experencia algo unico den historia di Ronde, ora cu Beyond Sports Limit Foundation Aruba cu atletanan Brainer y Gerald participa cu no menos cu 4 persona cu limitacion durante henter e trajectoria di 72km. Di e 4 personanan aki ta Disjonrick so a participa aña pa prome biaha, pa e otronan un aventura completamente nobo.
Dialuna mainta nos a introduci tur 4 persona cu limitacion como tambe e coredornan Brainer y Gerald y awe diamars nos kier a divulga e ruta y coredor cu lo acompaña cada uno durante e magno evento di Ronde van Aruba 2024.
E ta como lo siguiente:
Ruta 1 – 2 lo ta Brainer – Stacey de Veer
Ruta 3 – 4 lo ta Gerald – Anthony Mendoza
Ruta 5 – 6 lo ta Brainer – Ginelli Jarsagaray
Ruta 7 – 8 lo ta Gerald – Disjonrick Jacobs
![](https://297sportsaruba.com/wp-content/uploads/2024/01/11bea6dc-75ab-4e06-8d77-8242040ee8fb-1-300x129.jpg)
Esaki lo ta e secuencia di e participantenan. Sin duda e lo bay bira un dia largo pero inolvidabel pa nan tur cuater. Pa Brainer y Gerald e lo no ta nada facil pa pusha durante oranan largo pero nos sa con duro nan a prepara y cu con hopi gana semper nan a haci’e pa nos hendenan ta contento y cu un sonrisa riba nan cara.
SALI FOI BOSO CAS MASKE TA UN RATO Y APOYA UN CAUSA CU TIKI LO PENSA DI HACI.
For di awor caba tur clase di exito na henter e team di BSLFA. Cu Nos Bon Creador Ilumina boso caminda durante henter e trajectoria bunita aki.
GOD BLESS YOU ALL