1.3K
Kiko bo ta bisa bo yiu(nan) despues di un derota den deporte?
Riba e parti aki tin asina hopi scirbi riba internet pero tin algun punto of aspecto importante cu bo mester keda corda:
1. No concentra den loke por a pasa si bo a haci tal cos, no ta importa ki deporte nos yiunan hunga of con bon nan ta den dje, ningun hende ta keda inviacto pa semper, perde ta parti di wega. Ora cu bo perde ta importante pa no focus den loke nan a faya. Tin suficientie tempo pa revisa loke por a owrdo haci den otro forma of manera. Revisa esakinan despues cu e perde no ta e momento.
2. Encurasha semper: na es momento despues di un derota, e fundamental ta pa keda concentra den e momentonan positivo y anima nos yiunan kiko nan a haci bon den e encuentro disputa. Un brasa rond di nan schouder of un man riba nan lomba ta mucho mas cu recorda nan kiko nan a haci malo. Corda cu tin mas wega y momento sigur si nan ta den pleno desaroyo. Loke nos ta haci of bisa den e momentonan di cay derota ta haci e diferencia den e proximo wega of momento.
3. Usa e perdida pa desaroya e karakter :Perde semper ta dificil, pero e ta brinda oportunidad pa desaroya y reinforza e karakter. Como adulto, nos ta compronde cu perde ta parti di wega. Mientras nos yiunan ta pasa door di bida, tin perdida den bida cu no tin nada di haber cu deporte. Relacion, trabou, y oportunidad cu lo bin y bay den bida. Con nos ta reacciona riba perdemento, lo yuda nan despues tambe responde riba e perdementonan aki. Nos palabranan lo ta e campo di entrenamento pa nan futuro, scohe nan den forma cauteloso. Si bo puntra con e yiu a reacciona riba su perdemento den e añanan y e weganan cu a sigui, bo no mester di warda te otro oportunidad.
Corda… “Nos ta aki pa yuda nos yiunan ora nan marca of anota e gol/careda di victoria… y specialmente ora nan no logra esaki”.