1.4K
Durante e wega entre South y North den 5/6, coach di South, Raymond Kamperveen a haya un reconocimento bon mereci pa tur su aña nan di dedicacion na baseball infantil na San Nicolas. Den nomber di e comision organisador, Gio Leocadia a lesa e biografia impresionante di coach Kamperveen.
Na final otorga un bunita obsekio den nomber di henter e comision. Mester bisa cu esaki tabata un sorpresa pa coach Kamperveen cu sin duda a emociona cu e honor aki.
Nos cu conoce coach Raymond Kamperveen pa basta anja den e mundo di baseball nos kier a uni nos mes na e obsekio bon mereci pa un persona cu a yuda no solamente entrena pero tambe educa nos hoben basebolistanan pa ta un bon cuidadano majan den nos comunidad.
Danki Raymond. Sigui cu e magnifico trabou desplega pa nos hubentud. Keda pendiente pa e Biografia di coach Raymond Kamperveen
