863
Cosnan no ta canado bon pa loke ta e futbol na Aruba. Na vispera di e wega di nos seleccion nacional cu despues di 7 aña ta hunga na cas atrobe, tin un tension cu ta reina den e futbol local. E problema entre referee, clubnan y AVB a bira mas grandi cu a spera y te ainda no tin un solucion. Loke ta haci e situacion mas fastioso ainda ta cu AVB te ainda no a sali bisa nada nada. Dialuna anochi clubnan di futbol a reuni na ATIA y aki a sali cla y raspa cu AVB mes mester soluciona e problema cu e refereenan y cu clubnan no tin nada di haber cu e caso aki. Nan ta condena tur clase di violencia y agresion paden y pafor di futbol pero e problem actual cu e refereenan no ta problema di e clubnan.
Awor e clubnan a duna AVB 2x24ora pa yega na un solucion sino mester actua cu man duro.