Centerville Pies Warriors a logra nan di dos victoria den e campeonato di Softbol Liga 50+
Diadomingo atardi, e ekipo veterano di softbol Centerville Pies Warriors a hunga nan di tres wega den e Campeonato di Liga 50+. Despues di e cay venci siman pasa contra di Decos, Warriors mester tabata tin di un victoria pa asina keda positivo den e standing di 50+. E ekipo contrario awe diadomingo tabata L.D. Rangers.
Den e prome inning caba Warriors a sali bon anotando un total di 5 careda pa tuma e ventaha comodamente. Den e inning despues Warriors ta bolbe anota 2 careda mas cu un homerun di Marlon Maduro, cual a bira Centerville Pies nan prome homerun den e campeonato aki. Mester bisa cu pirtcher Robert Henriquez tabata dominante riba monticulo y hasta e tira algun ponche y uno hasta para. E ekipo di warriors a bati oportuno awe y ta anota un total di 6 careda mas riba 15 hit y ta gana Rangers cu e score final di 13 – 3.
R H E
Warriors. 13 15 0
L.D. Rangers 3 6 2
WP Robert Henriquez
LP Juan Maduro
Best Batters Warriors
Marlon Maduro 2 – 2(HR)
Richard Mackay 3 – 3
Danilo Vrolijk 3 – 2
Charles Danker 3 – 2
Mario Kwidama 4 – 2
Edward Hermanus 4 – 2
Best Batters L.D.Rangers
Patrick Werleman 2 – 2
Yuri Ponson 1 – 1
Raymond Montero 1 – 1
Johnny Rasmijn 2 – 1
Benito Croes 2 – 1
E siman aki e weganan di Softbol Liga Major 50+ lo continua riba diadomingo na tereno di Dragon Hitters na Barcadera
