1.4K
Na residencia Chuck Abdoo, softbolistanan mayor a bini hunto pa asina bautisa e uniform di e ekiponan di Centerville Pies Warriors. Manager Icho Matos ta masha contento cu un grupo di softbolista di diferente organisacion a bini hunto bou di un solo dak pa asina forma parti di un ekipo familiar cu ta Centerville Pies Warriors, cu sin duda lo bira mas cu solamente un team di deporte. Warriors ta mucho mas cu un team di softbol, nan ta manera un famia cu ta bini hunto y pasa bon den un ambiente ameno. Mas cu claro tin planes nan grandi pa haci hopi cosnan hunto manera viahe familiar, atende torneonan internacional di softbol y mucho mas. Nan ta premira cu nan lo bay haci un super bon papel den Liga 50+ Mayor cu miras pa cu e playoff.
E bautiso a basha un biña special riba e uniform esaki efectua pa yiu di Chuck, srta. Kate Abdoo. Mas cu claro esaki a ser ricibi cu fuerte aplauso di parti di henter e team presente.
Un pabien y hopi exito na henter e ekipo di Centerville Pies Warriors.
