Diaranson 27 december 2023 Stars Organization den nan celebracion di pasco y fin di aña a bautisa nan uniform nobo.
Den presencia di hungadornan, coachnan, voluntarionan, mayornan y sponsornan esaki a tuma lugar na Renaissance Convention Center. Invitado special, Boston Redsox MLB Player Ceddanne Rafaela a haci e acto di Bautismo di uniform nan pa e temporada nobo, den compania di Meneer Eric Rincones y Sr. Max Arendsz propetario di Creatique Art and Design kende nan a haci un tremendo trabou pa cu e produccion di e uniform nan pa tur e team nan di e organisacion,
E concepto di uniform nobo aki, Pin-Stripe edition ta wordo dedica na Meneer Eric Rincones kende pa añas a fungi como Coach di Baseball den area di Dakota den cual area tambe e tabata pa hopi aña hoofd di skol na Pius X school.
Stars Organization ta gradici su sponsornan Printshop, CMB BSURE, S.Jansen Consultancy, The Hooker Fishing and Snorkeling Charters, y Jay’s Car Rental pa e confiansa deposita den nan organisacion. E ta semper un honor di por carga nomber di nan patronisadornan riba nan lomba y pa haci nan maximo esfuerso pa ta un digno representante di esnan cu ta kere den nan.
