955
Chikitin nan di futbol U7 tambe a hunga nan ultimo wega pa loke ta e campeonato di futbol di AVB. Diasabra mainta despues di e categoria U5, e mini futbolistanan di U7 a subi tereno pa asina clausura nan campeonato di futbol.
Den presencia di un fanaticada grandisimo cu a apoya e muchanan di comienso te final, e hungadornan a midi forza den e deporte rey. E hoben futbolistanan sigur a gosa ya cu nan por scop bala, core tras di e bala y sinja un tiki di e wega di futbol mescos nan ta entrena casi tur dia serca nan propio club.
Awe diasabra tur e muchanan y nan coachnan a ricibi un bunita medaya pa nan esfuerso henter anja. Un danki sigur na e coaches nan cu ta hasi un trabou impagabel pa nos muchanan sin lubida e mayornan pa nan dedicacion na nan yiunan. Tambe na nos dirigentenan cu tur diasabra ta aporta pa tur wega continua na cada tereno di futbol.
Nos di 297sports kier a yama un danki na cada uno y sigur un palabra di pabien na tur cu a haci esaki pa nos muchanan.
