Caminda sera riba Juancho Irausquin Boulevard NO LO AFECTA e Harry Janssen Memorial Race diasabra awor

by Seever Krozendijk
444 views
Dialuna ultimo, Departamento di Obranan Publico, DOW a anuncia cu nan lo sera e caminda di Juancho Irausquin Boulevard cuminsando dilanti RIU Palace Antiyas. Awor mirando cu diasabra awor 27 di april tin e famoso evento di coremento Harry Janssen Memorial esaki no lo afecta e careda ya cu pa varios aña caba desde cu Aruba Triathlon a tuma esaki over, e careda NO ta pasa mas dilanti e High Rise Hotel. 
E careda ta cuminsa den e area Malmok y sigui stret te ex-House of Cheng unda e ta bira na man drechi rumbo Riu Hotel pa despues bay na man robez pasa dilanti e Eagle Beach/Low Rise Hotels direccion LG Smit BLVD/Aruba Ports Authority unda e evento lo termina. 
Tuma nota cu kizas e parti di Avenida Nelson Oduber lo bay ta un rato basta druk na e momento ey, please poco pasenshi.  Un suplica na tur automobilista pa por fabor tene cuenta cu tin un evento di deporte, ban core cu cuatela. Pa e mirones y fanatico nan ta bon pa scohe un caminda safe pa apoya nan famia, amigo y conocirnan. Di e rotonde di Wendy’s te APA lo ta e miho spot y cu mas ambiente.
Lo tin e Kid’s Run tumando lugar pues full un happening y aki e caminda lo ta sera y super safe. Bin cu bo stoel y parasol pa asina apoya tur coredor y pasa un atardi ameno hunto celebrando Dia di Rey.  

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs