1.9K
Awe diamars, nos prospecto femenino den tennis di mesa, Josie Boekhoudt hunto cu coach Rudy Ragga a biaha pa Charleston West Virginia, Merca unda e atleta Boekhoudt lo hunga e torneo Panamericano U19 den single. Mester bisa cu Josie a clasifica pa torneo na West Virginia unda diahuebs awor e lo ta hungando contra Brasil y Mexico.
E 2023 International Table Tennis Federation (ITTF) Pan American Youth Championship lo tuma lugar den e Charleston Coliseum and Convention Center y lo dura te cu diadomingo awor 30 di juli.
E top 166 mihor atletanan di tennis di mesa for di 21 pais den e continente Pan Americano lo bataya pa varios dia largo pa mira ken lo subi podium diadomingo awor. Na banda di USA lo tin Mexico, Canada, Argentina, Brazil, Puerto Rico, Trinidad y Aruba.
Di aki banda nos kier a desea Josie Boekhoudt y coach Ragga hopi exito.
