Dia 1 di februari ultimo, e organisacion di futbol Riverplate a celebra nan di 70 aniversario. Na nan club na Madiki tabata tin un brindis chikito combina cu un wega di futbol den division U20 entre Riverplate y RCA. Un rato prome e demas miembronan a asisti na un Santo Sacrificio di Misa special pa e ocasion aki unda e pidi Nos Creador un bendicion pa tur e personanan cu tabata ta y ainda ta envolvi den e bunita projecto cu semper tabata destina pa e hobennan di e bario di Madiki, Playa Pabou y becindario. Nos por a mira hopi cara cu pa anjanan largo ta afilia na Riverplate y semper a traha cu alma y cuerpo na bienstar di e club y su muchanan.
Minister di Educacion y Deporte, Sr Endy Croes tambe tabata presente unda e la otorga na e directiva di Riverplate un bunita obsekio den nomber di Gobierno di Aruba enconnecion cu nan di 70 anja di existencia.
Na final a habri e champagne pa asina brinda pa e bunita ocasion. Un palabra di pabien y exito na Riverplate.